| HOME |            | DOCUMENTATIONS |            | PROGRAMS |            | LINKS |           
  • Standards and conversion
  • What is ...?
  • How to ...?
  • Problems
  • Programming
  • Other
  • Компьютерийн гар яаж ажилладаг вэ?

    Компьютер асаасаний дараа гар зүй ёсоор залгагдсан эсэхийг БИОС шалгана. Зарим йлдлийн систем ачааглагдсанийхаа дараа ч гэсэн ахин шалгадаг. Тэгээд л таны тушаалыг хүлээгээд өмнө чинь хэвтээд байна даа. Тэгээд таныг товчилуур дарсны дараа яаж тэр тэмдэгт компьютерлуу ордог вэ гэдгийг та сонирхож байна уу? Гарын товчилуур бүр тодорхой цахилгаан гүйдлийн хүрээнд хамрагдаж байдаг ба тэр гүйдлийн хүрээг товчилуур тус бүрийн хувьд 1 микропроцессор сэкундэд хэд хэдэн зуун удаа шалгаж байдаг. Доороо металлаар бүрэгдсэн товчилуур нь доороо байгаа гарын хавтантай нэгэн жижиг конденсатор үүсгэдэг. Хэрвээ товч дарагдвал, тухайн товчинд харгалзах гүйдлийн хүрээний хүчидэл өөрчилөгдөнө. Микропроцессор энэ гүйдлийн хүрээний өөрчилөлтийг магадлаад тухайн товчинд харгалзах электрон сигналийг компьютер руу илгээнэ. Энэ сигналийг Scancode гэдэг. Товчилуур бүрт харгалзах тодорхой Scancode байдаг тул микропроцессор тэдгээрийг өөрөө ялгах бөгөөд тиймээс хэрэглэгчид ямар товч дарсан нь шууд харагдана. Жишээ нь шилжүүлэх товч Shift- ийг санаарай. Компьютер харин тэр сигналийг хүлээж байгаад цаашаа юу хийх ёстойгоо шийднэ. Харин яаж хүлээж авдаг вэ? Гэсэн асуулт зүй ёсоор гарч ирнэ. Сигналууд (5 орчим Волт хүчдэлүүд) гарын кабелаар (PS/2 эсвэл USB) компьютер доторхи гарын конроллер луу очих бөгөөд тэндээс 1 маш жижигхэн БИОС-ийн программ кодуудыг хүлээж авч гарын буфэр лүү ASCII код руу хөрвүүлээд бичнэ. Үүнийг IRQ1 эсвэл БИОС-ийн 9-р тасалдал гэж нэрлэдэг. Мэдээж үүнийг тухайн keyboard controller- ийг үйлдвэрлэгчид бэлтгэнэ. Гарын буфэр гэдэг нь санах ой дахь жижигхэн зай бөгөөд сүүлчийн оруулсан сигнал хүртэл хүлээн авдаг. Энэ буфер нь гараас оруулсан боловч компьютерийн систем боловсруулж хараахан амжаагүй байгаа сигналуудийг хадгалахад ашиглагддаг. Энэ буфер нь ихэнхдээ 16 байт хэмжээтэй байдаг.

    Ингээд эндээс үйлдлийн систем гарын драйверын тусламжтайгаар хүлээн авч дэлгэцэнд үзүүлэх эсвэл өгсөн тушаалыг гүйцэтгэнэ.

    Access No. 77893